O tulafono fou ua faia e faatatau i le taofia o le taumafa tapaa i Ausetalia o le a faalauiloa i le asō i le Palemene.

Ua faailoa e le faigamalo o tulafono ia e faamauina ai se fetuunaiga tele e faasagatau i le taumafa tapaa ma ua agai sa’o lava ina ia fesoasoani ai i tagata Ausetalia e lafoai le tapaa ua silia ma le 20 afe soifua ua ma’umau ai i le tausaga.

O nisi o nei tulafono e agai i le tatau ona tauave e oloa ia o lapataiga tau le soifua maloloina ma aafiaga o le taumafa tapaa, o le a suia foi le size o le tapaa ma o le a aveesea isi vailaau o loo gaosia ai e pei o le methanol.