O loo iai le avanoa e filifili ai fanau aoga pe su’e i le NCEA poo le isi suega e sili atu lona aloaia faavaomalo, ma e lē o aoga uma.
E 8 mai le 10 kolisi maualuluga i totonu o Niu Sila e maualuluga taumafai, o lea ua le na o le NCEA e mafai ona su’e ai le tamaititi aoga mai le vasega 11 ae o lea foi ua mafai ona filifili i le International Baccalaureate, le IB poo le A Levels.
O le molimau a le kolisi maualuga o loo i le tulaga ono o le faatulagana o kolisi i totonu o le atunuu i tala a le 1News o le toatele o a latou fanau aoga o lea ua filifili i le IB.
Fai mai ai le Pule Sili o le Crimson Education poo le kamupani o loo fesoasoani e saili avanoa o fanau aoga i iunivesite tetele i atunuu i fafo, e telē atu le avanoa o le tamaititi e su’e i le IB poo le A Levels na i lo le NCEA ma e lē gata o lana curriculum e aloaia faavaomalo ae e faigofie foi ona faitau maka e maua mai le suega na i lo credits o loo fai ai nei le NCEA.
O le tele o kolisi o loo sau i le lisi o kolisi e maualuluga taumafai ma o lea ua agai i le suega a le A Levels o aoga tutoatasi poo private schools ma e i Aukilani.
