O le a faatupe e tagata Aukilani le faaleleia o auaunaga tau i le suavai lea e faapea e silia ma le $1 piliona ua alu ai i luga.
E amata mai le aso muamua o Iulai, o le a alu i luga pili o le suavai mo Aukilani, ma o se siitaga ia faatupe ai le $13.12 piliona tau o poloketi mo galuega faaleleia.
I fuafuaga na faailoa mai ananafi, o loo ta’ua mai ai e le pulega o le suavai a Aukilani, Watercare e tasi le afe le aofa’i o poloketi o le a faia i totonu o le isi 10 tausaga o i luma ina ia mautinoa ai o loo lelei ma lava tapena puna’oa mo le suavai maua a le aai.
O le poloketi tele o poloketi nei o le toe faia lea o le Huia Water Treatment Plant i Waitakere lea ua faga i luga lona tau mai le $420 miliona i le $1.12 piliona.
Ua fai mai ai le pulega o le suavai, e matua’i moomia ma e tāua le faaleleia o le nofoaga lenei i Waitakere, ma o nisi foi o ogapaipa tuai mai le 1900 ua moomia le faafou.
O lōlōga ma le alu i luga o le tau o le soifuaga o le faapogai lea o le alu i luga o le tau o poloketi a le pulega o le suavai a Aukilani ua iai nei, pe a faatusa i tau sa iai i le 2018.
Puna o Faamatalaga: Aucklanders’ water bill increases to fund budget blow out of treatment plant upgrade | RNZ News
