Ua faatonuina nei le faia o se iloiloga faavavave i tulaga tau le saogalemu o pasi i le mae’a o le faalavelave na tupu mai i le Hunter Valley na maliliu ai tagata.
E 35 le pasese a le pasi na malaga ane mai se faaipoipoga sa faia lata ane i le nofoaga na lavea ai le pasi ma maliilu ai tagata e toa 10.
O le avepasi o Brett Andrew Button ua molia ai ae o se faalavelave ua tetele ona aafiaga aemaise lava i le komiuniti lava ia a Singleton le faaitu lea e toatele ina nonofo ai ē ua aafia soifua.
Ua faatonuina ai e le faigamalo a Niu Sa Uelese le faia o se iloiloga i tulaga tau le saogalemu i le pasi ma o le a silasila ai foi i itu e faaleleia atili ai le auaunaga e aofia ai ma mataupu e pei o le faiga o fusipau e le gata i le setete lea ae ono faalautele atu foi i isi vaega o Ausetalia.
Fai mai le minisita o femalagaa’iga o Jo Haylen afai ae maua mai i le iloiloga lea e manaomia ona faatino nisi tulaga tau le saogalemu i fusipau, o le a faapea lava ona fai.
