Ua faatonu nei e le faamasinoga aupito maualuga a Niu Sila ē sa avea ma faatonu o le kamupani a le Mainzeal ina ia totogi le silia i le 39.8 piliona o tau o le compensation i nisi sa aitalafu ai aemaise o subcontractors lea na aafia a latou tulaga tau tupe ina ua faaletonu le kamupani i le 10 tausaga talu ai.

Na faafofogaina i le faamasinoga le apili o le mataupu lea ia Mati 2022 e faatatau i le faaletonu o le kamupani aemaise sootaga ma faatonu sa iai o le kamupani e aofia ai ma lē sa avea ma Palemia o Dame Jenny Shipley.

O le aso lea faatoa tuuina ai le faaiuga o le mataupu lea i le faamasinoga i Ueligitone.

O lona uiga la o faatonu ia o le a o latou totogiina ane tupe ia e silia ma le 50 miliona.

Ua fai si umi o talitali i latou o loo nofo aitalafu ai le kamupani, i se faaiuga o le mataupu lea la ua folasia i le aso.