O le mataupu ma lipoti e faatatau i taifau e osofaia tagata aemaise le fanau ua faateteleina pea ona alia’e i totonu o Ausetalia.

E lei leva atu nei foi ona lipotia atu ni tagata se toalua e aofia ai se teineititi na osofaia e taifau ae o le asō foi ua lipotia mai ai foi se isi faalavelave faapea i Kuiniselani ua osofaia ai foi e se taifau se teineititi 3 tausaga i se fale i Gold Coast. 

Na valaau ane le fesoasoani a paramedics i le fale lea i le tea o le 5 i le afiafi ananafi fai mai e fai si tele o manuaga o le teineitiiti i le ulu ma le ua, ma o loo tigaina i le falemai o tamaiti i Kuiniselani.

Fai mai lipoti e talitonuina o le taifau na osofaia le teineitiiti, o le taifau a lona grandmother ma ua aveesea nei lea taifau ma isi taifau e tolu sa iai i le fale e leoleo.

O loo faia pea iai suesuega.