Ua faatupulaia pea lamatiaga i tagata e faatauina oloa i luga o upega tafailagi, o le llipoti ma le lapataiga lea mai le National Australia Bank poo le faletupe o Ausetalia ina ua maua ia latou lipoti le siitia i le 66 pasene o tulaga faapea o faiga taufaavalea ua faia i totonu o le tolu masina talu ai. 

E aofia ai i nei faiga tagata solitulafono ua taumafai e faaaoga le PAYID o se auaunaga e faia fua i luga o le telefoni feaveai, imeli poo le ABN e lafo ma maua ai tupe.

Fai mai le faletupe o tagata o loo faatau a latou oloa i luga o auaunaga o le maketi i le facebook ma le Marketplace o loo aupito tele ai le lamatiaga.

Faamanatu e le faletupe i tagata o le auaunaga lea a le payid e le totogia ae iai nisi o faiga ua maua e le faletupe ua faailoa ai e le au taufaavalea i tagata faatau e tatau ona totogi se fee poo se totogi mo le faaaogaina o le payid.

Fai mai le bank ia mautinoa e tagata afai e lafo atu ia oe se imeli poo se text mai le PAYID ona e silafia lea o se taufaasese.

O le tausaga talu ai e 260 afe se vaegatupe na ma’umau a tagata i faiga taufaavalea ia pei ona faamaonia e le Scamwatch.