O le asō ma le aso a taeao o loo faia ai se toleniga i le motu tele i Salafai mo i latou ua mae’a resitala i le polokalame o galuega faavaitaimi a o lei faatinoina muamua se toleniga.

I pepa o faamatalaga mai le Matagaluega o Pisinisi Alamanuia ma Leipa o loo ta’ua ai, o lenei toleniga e le agavaa ai ni sui resitala fou.

O loo talosagaina ai foi le mamalu o sui o le a auai o ē nonofo taumamao mai le nofoaga o le a faatino ai lenei faamoemoe ina ia faavave ona oo atu i toleniga.

E 200 le utiuti o le fuainumera o i latou o le a auai i aso nei o le a faatino ai toleniga ma o loo fautuaina ai e le Matagaluega le faamuamua o le soifua maloloina pe a faapea o maua i ni gasegase pe le o malosi lelei ae saili malosi i o latou aiga.

O le a faia lenei toleniga i le Itu Asau ma le Itu Salega mai le taeao seia paia le afiafi.