Ua toe o se aga ona faatino lea o se tasi o faatasiga tele a tagatānuu Samoa o loo alala ma pāpāaao i Sini Ausetalia, mo tama taaalo o le Toa Samoa.
O lenei faatasiga – o se aso ua atofa mo tagata lagolago a le ‘aulakapi liki o le atunuu e feiloa’i fiafia ai ma tama taaalo, a o loma ai lo latou taaloga ma le ‘au malosi o le Kiwis i le Aso Sā a sau nei.
Faamauina i faamatalaga ma faamaumauga o le a faapena ona auai le to’atele o tamafanau a Samoa ua iloga i le musika ma le tele o polokalame, e pei ona auai ai le alii pese o Richard Parker, o le tama’ita’i ia Binna Butta, o le alii iloga ia Wayno, ma Kennyon Brown o loo faamauina le auai o malo faaaloalogia le HP Boyz, 046, ma Jaden Laing.
E tele faafiafiaga ma fale’ie mo taumafataga o le a faatino mo le faamoemoe tele.
O le itula e 3-8 i le afiafi le taimi ua faatulagaina e faatautaia ai le Fan Day i le Sydney Dragway, Eastern Creek.
O le fofoga o le aso o le alii o Dr Tua, ma e tatala soo se tasi lava e auai ma fiafia faatasi i le Fan Day.
Mo le silafia o le faai’uga o lenei vaiaso o le a iloilo ai le Toa Samoa ma le ‘au a le Kiwis i le su’egāsiamupini o le taaloga lakapiki mo le Pacific Championship.
O le a faatautaia lea taaloga i le malae taalo o le Commback Stadium i Sini Ausetalia.
Puna o Faamatalaga: https://www.facebook.com/share/p/1BTAqeJuze/
