Ua ave le fa’atāua ma le fa’amuamua a le ta’ita’i o le malo le afioga i le palemia, susuga Laaulialemalietoa Leuatea Polataivao Fosi Schmidt, i le vaiaso ua amatalia o le fa’aaliga o Measina a le atunuu, o le mafua’aga o lona lē auai atu i le fono masani fa’a-le-tausaga a ta’ita’i o malo o le Pasefika.
O lana saunoaga e tatala ai le vaiaso o le Measina Festival i le sauniga i le maota o Tupulaga a le Ekalesia Faapotopotoga Kerisiano Samoa i Sogi, na ia faailoa ai ma le mafua’aga o lona lē auai i lea faatasiga e auai Palemia ma Peresetene o atunuu o le Pasefika.
O le afioga i le tama’ita’i Sui Palemia, le afioga Mulipola Anarosa Ale Molioo o loo ta’ita’ia le usugafono a Samoa i le fono ta’ita’i o malo o le Pasefika ua amatalia i le Aso Gafua o lenei vaiaso mo le umi e 4 aso.
O fonotaga ia e talanoaina ai mataupu tau i le va o malo e faatatau i atina’e ‘ese’ese o loo galulue faatasi ai atunuu o lenei faaitulagi.
O lea foi faatasiga e soalaupule ai mataupu tau i le va nonofo o malo laiti o le Pasefika ma malo tetele.
Comments
Loading comments…