Faatalitalia pea se taunuuga lelei e le au totovine mo le gaosia o le uaina i Vitoria ina ua fesootai mai iai se tasi o faipisinisi mai Saina o loo silasila i le aveina atu o nisi o ana oloa i Saina e ui o loo taofia pea le fefaataua’iga lea i le taimi nei i le va o Ausetalia ma Saina.
Fai mai le ABC o Saina le paaga malosi a Ausetalia sa iai mo le faatauina atu iai o le uaina ma e silia ma le .2 piliona e masani ona maua ai i le tausaga peitai na tupu loa le faaletonu ina ua tuuina faasalaga i le va o kamupani i le 2020, ona amata taofia ai loa lea o fefaataua’iga ma faia ai se susuega a le WTO o le faalapotopotoga o fefaataua’iga a le lalolagi.
Na faaalia ai finagalo fiafia o le aufaipisinisi i lea faaitu i le fesoasoani tele lea i tulaga pe afai ae toe faaauau fefaataua’iga i le va o atunuu e lua aemaisei le taugata o le tau o le soifuaga i le taimi nei.
