Ua tālia nei se faaiuga a le faamasinoga i moliaga e tolu o loo tetee iai Reupena Oloapu, o se leoleo satini o loo faamalolo lē tumau, o loo tuuaia i se gaioiga na ia faia i se tamaitai leoleo.
O lē ua molia sa ia vaaia le pou poo le ofisa o leoleo i Fagamalo i Savaii i le tausaga e 2021 i le masina o Fepuari lea e faapea na tupu ai le solitulafono, a o tiutepo le tamaitai leoleo na aafia.
O le vaiaso na tea nei na valaau ai molimau a leoleo faapea ma mau tetee a Reupena Oloapu ma sa tulai ai foi ma lē na aafia faapea se leoleo sa tiute i le po na tulai mai ai le gaioiga.
O le aso 8 o le masina fou o Setema o le a tuuina atu ai folasaga ma finauga faaiu a loia a leoleo ma le loia a lē o loo molia, ona maua ai lea o se faaiuga o le a iloa ai pe faamaonia, pe lē faamaonia moliaga.
