Ua faagasolo feutanaiga a le malo e ave tui o le Koviti e faia I nofoaga o loo uumi ai kiu ma faatali takeaways a tagata

O le manatu lea o le councillor ia Josephine Bartley I le amataga o le vaiaso, ma o lea ua faamaonia mai e le sui palemia Grant Robertson ua vaavaai iai le malo

I le toe foi ai o Aukilani I le lapataiga vaega 3 I le vaiaso nei o se avanoa e talitonu le sui palemia e mafai ona faia ai ma tui I nofoaga o loo tumutumu ai

I luga o le Twitter a le councillor ia Bartley, o lea na ia faamaonia ai ua faatalanoa e le malo kamupani e iai le KFC, Pizza Hut, Carl’s Jnr ma le Taco Bell

Ao talia ai se faaiuga maumaututu I le faataunuuina o lea fuafuaga ua faailoa e Robertson e tutusa lava ma le pasi a le Shot Cuzz lea o loo faataamilo mo le faia o tui

Ae mai le soifua maloloina, o loo vaavaai I soo se avanoa e faaoo ai le tui I tua I le komiuniti e aofia ai ma pisinisi fast-food o loo iai a latou drive through