E tāua tele le puipuiamalu o aloalo ma aau o loo tele ina fagotaina e nuu ma afioaga, e le gata mo le maua o ia ma figota mo taumafa, ae o le faatau atu mo le maua o seleni auā isi manaoga.
O le tāua o le puipuia lelei o ia nofoaga mo faigafaiva ua amata faatalanoa ai nei se tusi taiala e faatonutonu ai faigafaiva i aloalo ma aau e lata i uta o gataifale o nuu ma afioaga.
O se faatalanoaga o loo auai sui o nuu ma sui tamaitai, faapea sui o le vaega o faigafaiva i le matagaluega o faatoaga o loo aoao manogi mai ai i ni finagalo ma manatu e saili ai ni fofo o faafitauli o aafia ai faigafaiva i ia vaega o le tatou gataifale.
O le tele foi o aiga o nuu ma afioaga ua latou faagaioia atina’e o le faafailele o le i’a o le tilapia ma ua aofia i le fuafuaga mo tusi taiala e limataitaiina ai ia faigafaiva i le lumanai ma faatumau ai pea le maua ma le tele o taumafa.
