Ua faasee ese e le faamasinoga maualuga se finau a Lusia ina ia taofia le Commonwealth mai le puleaina o se nofoaga ua o latou lisiina mo le fausia ai o se isi ona ofisa fou.
O le amataga o le masina na faavave ai e le faigamalo o iai nei le faia o se tulafono e faaleaogaina ai le lisi lea a Lusia i le nofoaga e pei ona ta’ua, e faafesagai lelei ma le maota o le Palemene.
O le faamasinoga maualuga la i le asō na faasee ese ai e le faamasino Jayne Jargot le mataupu lea a Lusia ona e ono taofia ai le Commonwealth mai le ulufale i le fanua lea a o faatalitalia se aso o le mataupu i le faamasinoga.
O le mataupu lea ua leva e pei ona faailoa i le lipoti ma o le uluai lisi na faia i le 2008 ae tele isi mafuaaga na poloka ai le toe faia o nisi fuafuaga iai aemaise foi i le taimi o le koviti.
O le vave o gaioiga a le malo o Ausetalia e tuuina se isi tulafono fou i se taimi ua sola i le masina lava lenei ua faigofie ai foi aemaise ona o le mau a le malo e ono iai ni popolega tau le puipuiga i le lalata tele o lea nofoaga i le fale o le Palemene o le atunuu.
