Ua amata faasoa e nisi o nuu ma afioaga o le itumalo o Faleata 2 meafaigaluega mo le atina’e o faatoaga ma faaaoga foi i isi atina’e o loo tua iai aiga, ua faatau mai vaega tupe ua faamatuu atu e le Malo i lalo o aiaiga o le poloketi o le tasi le miliona tala.
(Photo by Bluebird Lumber and Hardware fb)
O afioaga o Vaiusu ma Vaigaga ua latou tauaaoina nisi o meafaigaluega e pei ona faailoa e se tasi o tamalii matua o le afioaga o Vaiusu le tofa Ulugia Felise, o le toatele o tagata o le nuu ua faamautu i eleele i uta i Tapatapao o loo galueaina ai faatoaga, ma ua faaaoga tonu iai mea faigaluega eseese ua faatau mai se vaega o seleni o le poloketi.
O le tofa Ulugia Felise. O le afioga Mua’ausa Fiona Uili o le sui taitaifono o le komiti o le fono faavae a le itumalo palota o Faleata 2 na fesiligia i le faasoaina o le miliona muamua o le poloketi ua agavaa iai lea itumalo.
Le sui taitaifono o le Komiti o le Fono Faavae a le itumalo palota o Faleata 2 le afioga Mua’ausa Fiona Uili.
