E silia ma le fitu tausaga talu ai sa ave faamalosia ai ma taofia i Aferika i Sisifo se alii fomai Ausetalia o Kenneth Elliott lea ua 88 nei tausaga o lona soifua.
O le asō ua faailoa mai o loo saogalemu ma manuia ma ua toe feiloai ma si ona toalua o Jocelyn ma si a la fanau.
O le faamatalaga lea na faalauiloa mai e le minisita o le va i fafo a Niu Sila, Penny Wong i le taeao analeila.
O le alii fomai ma lona toalua a ave faamalosia e le aufaatupu faalavelave i le masina o Ianuari le 2016 e lata i le tuaoi o Mali ma Niger a o agai atu mo galuega faafomai.
Mulimuli ane sa toe faasaoloto mai le tina ae taofia ai pea si alii fomai matua lea ua silia ma le 80 tasaga.
O se faamatalaga mai le aiga ua faaalia ai le agaga faafetai i le Atua ma tagata uma sa tatalo mo latou.
Ua faafetai foi i le faigamalo a Ausetalia ona o lo latou sao i le faasaolotoina mai o le alii fomai.
