Search
Photo: 1News

Faasala se tina Aukilani e nofo saisaitia i le fale, ina ua taumafai e maua se aofaiga e lata i le $60 afe mai tupe o fesoasoani lavea’i o le Koviti-19

I se pepa o faamatalaga na faasau i tua e le matagaluega o tupe maua, le Inland Revenue (IRD), o loo faamatala ai e le IRD gaioiga na faia e le tina ia Samantha Paul, o ni gaioiga na fuafuaina lelei ma mua’i faatulaga, e pei ona ia faia i le va o Me o le 2020 ma Ianuari 2022.

Na ta’ua i le lipoti, sa fai le talosaga a Samantha i le polokalame e fai ai nonogatupe Small Business Cashflow e faaaogā ai igoa o ni tagata totogi lafoga se toatolu, o le isi loan mo lana kamupani, ma le isi loan sa alu i lalo o lona igoa.

Ua ta’ua i le pepa o faamatalaga a le IRD, na talosaga Samantha mo le $59,000 mai tupe o fesoasoani laveai o le Koviti-19, ma e $47,000 na mae’a ona totogi atu iai a o lei maua ana gaioiga faasolitulafono, ma e latalata i le $12,000 le vaega tupe ua uma ona toe maua mai.

O lenei vaegatupe sa totogi atu i tusitupe a Samantha ma le isi tagata sa la auaufaatasi, Jason Gray.

O Me o le 2023 na faasalaina ai Jason i le 20 masina i le falepuipui i ona moliaga o le lē faamaoni i lona faaaogā o pepa faatumu e lua a le SBCS mo le faiga o talosaga o loan lea na maua ai le toetoe $14,000.

Na faasala foi i faiga taufaasese ma le solia o aiaiga o lona faasalaga sa nofo saisaitia ai le fale poo le home detention.

O lenei polokalame o le Small Business Cashflow scheme sa amataina o se fuafuaga lelei na faatulaga ina ia fesoasoani i tagata sa fai a latou pisinisi laiti e mafai ona maua vave ai ni seleni e fesoasoani e faagaioi ai pea le pisinisi pe afai na iai ni aafiaga mai le vaitaimi o le faama’i, peitai la sa faaaogā sese e Samantha lena faatuatuaga.

O tagata totogi lafoga e toatolu ia na faaaogā e Samantha o latou suafa e faatalosaga ai isi nonogatupe, o nisi sa faatino e se kamupani failafoga ni auaunaga tau lafoga mo i latou, a o faigaluega ai Samantha i le va o le 2018 ma le 2019, e foliga mai sa teu e Samantha myIR login a nei tagata ma ia faaaogā ai faasolitulafono e aunoa ma se faatagaga a nei tagata.

Ua ta’ua i le lipoti, le faamaonia mai e nei tagata, e leai ma so latou iloa i nei nonogatupe na fai i lalo o latou igoa ma e latou te lei maua foi ni tupe mai nei nonogatupe faasolitulafono na faia e Samantha.

O lea la ua tuu mai e le faamasinoga le faasalaga ia Samantha e 23 masina i le falepuipui ae o lea na liliu mai e le faamasino i se faasalaga e 11 masina e nofo saisaitia ai i lona fale, sa ta’ua e le faamasino e iai le tama laitiiti a Samantha o loo tausi.

Peitai na lapataia e le faamasino le tina ia Samantha, afai e na te toe solia se tulafono i le taimi lea o loo nofo saisaitia ai i lona fale, ona ave sa’o loa lea o ia e tuli lona faasalaga i le falepuipui.

O soligatulafono a Samantha na faia i le va o Me 18, 2020 ma Ianuari 2022, ae o talosaga sa ia faia mo nonogatupe i le SBCS na tatala i le Me 12, 2020.

Puna o Faamatalaga: https://www.1news.co.nz/2024/07/09/auckland-woman-sentenced-after-trying-to-claim-60k-in-covid-loans

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required