E 78 afe tala ua faasala ai nei le Pak n Save I Magele ona o se mataupu o loo aofia ai tau o oloa o loo faailo I fata o le faleoloa ma le tau o loo totogi e tagata ile till.
O lipoti I le aso mai le tv1 ua faaalia ai le ioeina e le Kamupani a le Kennedy’s Foodcentre Ltd lea o loo faagaioia ile igoa Pak n Save Mangere o moliagae ono ole faia o ni tulaga le sa’o o le tau o oloa, molia ai I lalo o le Tulafono o Fefaatauaiga talafeagai 1986 e pei ona faamaonia ise pepa o faamatalaga a mai le Commerce Commission I le aso.
Ole 2018 mai ia Iuni ia Oketopa le piliota o loo faailoa na faatino ai lea tulaga. Ma o loo taua na logoina le faleoloa I le tulaga lea ma faia ai gaioiga e foia ai lea faafitauli peitai fai mai le faamasino McNaughton mai le faamasinoga faaitumalo I Manukau, e lei gaioi le faleoloa e faia vave se faiga e foia ai le faaletonu I le taimi na tupu ai. Faailoa e le faauluuluga ole Commerce Commission Anna Rawlings e ao ina iai le talitonuga I le tagata faatau o loo sao le tau I luga o le fata o le faleoloa ma o le tau lava foi lea o loo ia totogiina. E le o faailoa maia se faamatalaga a le faleoloa I lea mataupu.
