O le kamupani o loo umia le puleaina o konekarate kiligi poo auaunaga faamamā i Melepone mo le malae taalo le Marvel Stadium, ua faasala nei e le Fair Work Commission i le lē sa’o o le totogiina o tagata faigaluega.
Ua ta’ua e le 9News o faasalaga e $332,964 ua maua ane e le Komesina mo galuega talafeagai i le mae’a ai ona aveina le kamupani a le Quayclean Australia ma isi kamupani e lua sa ia faafaigaluegaina i le faamasinoga.
Fai mai le lipoti o faasalaga ua faia i le mae’a o le suesuega na faia ma iloa ai e toa 25 tagata faigaluega faamamā stadium sa lei sa’o le faiga o totogi ma laititi tupe na maua ma e toeitiiti 100 afe le vaegatupe e aofia ai i le 2017.
O le faasalaga na totogi e le Quayclean Australia e 174, 420 a o isi subcontractors e toalua na faasala e tai 114,480 ma le 15,552.
Ua faailoa foi e le sui o le kamupani lea Quayclean Australia ua o latou taliaina le faaiuga o le mataupu ma ua o latou iloa ai foi nisi vaega mo le faaleleia atili le auaunaga.
