Ua manumalo le tamaitai o Moemoana Safaato’a Schwenke i le pale o le tamaitai lalelei o le Pasefika ina ua faaiu lea tauvaga sa faia lea i Nauru.
O Moemoana na ia maua le sili i laei faaleaganuu, sili i le taleni, sili i le taliga fesili, ma le tamaitai sili ona filifilia e tagata e ala i le latou palota.
O le ulufale mai ai o Moemoana ma avea ma lalelei o Samoa na amata mai ina ua manumalo i le tauvaga o le lalelei o Niu Sa Uelese i le tausaga ua mavae, mae’a lea ona manumalo lea i le pale o le Tausala o Samoa ia Setema ma tauva ai loa i tauvaga i Nauru lea ua faaiuina i le manuia.
Ua lē gata ina manumalo ae ua ia faatuina nisi o matati’a e ala i lona manumalo ai i le pale o le Pasefika sa tauaveina e lona tina i le 27 tausaga talu ai.
O le taleni a lea tamaitai na mataina ai lana taumafaiga ina ua ia ta’u atu e lē gata i le lalolagi ae o le Pasefika o le siva afi e ala i lana faatinoga le agavaa o tamaitai i le faatinoga o lea siva e lauiloa ai alii o le atunuu.
O Moemoana o loo ia umia se faailoga tikeri maualuga i mataupu tau tupuaga o mea ma le siosiomaga.
O lana mau i lana faatalatalanoaga i le mataupu e faatatau i la tatou aganuu ma lona tāua e tatau ai ona faatumauina i le talutalu fou lenei ua tatou iai.
Na ia ta’ua ai o le aganuu o lo tatou malosiaga lea, e iloga ai o tatou tagata, o a tatou agatausili ma o tatou talitonuga, ma e ala atu lea i le alofa o le faaaloalo ma lau tautua.
I’uga o le Tauvaga:
Winner – Miss Samoa, Moemoana Safaato’a Schwenke
1st Runner Up – Miss Papua New Guinea, Tayla Singirok
2nd Runner Up – Miss Nauru, Rosita Rokobuli
3rd Runner Up – Miss Marshall Islands, Claret Taonang ChongGum
4th Runner Up – Miss American Samoa, Judy Faafetai Taunuu
Best Interview – Samoa, Moemoana Safaato’a Schwenke
Best Talent – Samoa, Moemoana Safaato’a Schwenke
Best Traditional Wear – Samoa, Moemoana Safaato’a Schwenke
Best Sarong – Papua New Guinea, Tayla Singirok
Miss Photogenic – Nauru, Rosita Rokobuli
People’s Choice Award – Samoa, Moemoana Safaato’a Schwenke
National Tourism – American Samoa, Judy Taunuu
Miss Personality – Tonga, Sitita Va’enuku
