O le a faaopoopo tausi soifua ma faatosaga i le lisi e mafai ai ona vave maua avanoa nofomau i Niu Sila.

Amata atu i le Aso Tofi nei o lea o le a tuu iai ma tausi soifua lesitala faapea faatosaga i le Green List, lea e faataga ai i latou nei e omai mai atunuu i fafo e faatumuina nisi o avanoa faigaluega e mausali ai le agavaa i taiala e mafai ona faatalosaga ai o latou nofomau.

Ua faamautinoa mai foi e le minisita o le Immigration Michael Wood, o loo aofia ai ma tausi soifua faapea faatosaga o loo i totonu o Niu Sila.

O lea foi o le a tuu iai ma fomai faapitoa e le o iai i lea lisi i le taimi nei, ma e aloaia uma lea e amata mai i le Aso Tofi.

E ese mai i auaunaga tau i le soifua maloloina, o avepasi ma aveloli o le a faapea foi ona maua avanoa e ui e na o sina taimi le tumau.

Mai le faletupe tutotonu a le Reserve Bank i lana maitau, a o fesoasoani ai le aumai o tagata mai fafo i galuega ma le sapalai o lona lava ia maketi, o le a siitia ai foi ma le manao i meatotino e iai fale ma isi.

A o tālia lelei ai e le National lea faaopoopoga, o loo latou tuuaia le malo i le fai mea tuu.

O le ogatotonu o le tausaga fou e toe iloilo ai le Green List.