E 30 isi taavale faamiliteli ua faaigoa o Bushmasters o le a faaopoopo atu e Ausetalia mo Ukraine e faaauau ai lana fesoasoani e tetee atu ai i osofaiga a Lusia.
O le saunoaga a le Palemia Anthony Albanese na ia ta’ua ai o osofaiga solitulafono a Lusia ia Ukraine o le taulaiga lea o le fonotaga a le NATO sa faia ma ua ia toe faamautu ai le lagolago pea o Ausetalia ia Ukraine ma sa faia foi se feiloaiga a Albanese ma le taitai o Ukraine.
O le foai faaopoopo la ua oo atu ai le aofai o taavale faapea ua foai atu e Ausetalia mo Ukraine i le 120 atoa ma le faamatalaga a le Palemia o le a faaauau pea le lagolago a Ausetalia mo Ukraine mo se umi lava e manaomia ai.
Faafetaia e le Peresetene o Ukraine, Volodymyr Zelensky le fesoasoani a Ausetalia lea a ao ua oo atu i le 890 miliona.
