O le a faaopoopo le aofai o fomai ma tausi soifua lesitalaina e mafai ona o latou tusia talavai mo fualaau e lua, o fualaau autu ia e faaaoga mo le faapa’ūina o ma’itaga, o lea fuafuaga ua faataga i lalo o tulafono fou ua faia e le Therapeutic Drug Administration poo le TGA.
I le taimi ua sola o fualaau o le Mifepristone ma le Misoprostol sa faatau faatasi ma e na o se fomai faapitoa ua faamaonia e mafai ona ia tusia se talavai o ia fualaau ma e na o le pharmacist foi ua lesitalaina e mafai ona ia faamatuu atu lea talavai.
Peitai la o lea ua suia lea tulaga ma o so se fomai e iai lona agavaa talafeagai ma tulaga tau toleniga i lea auaunaga, o le a mafai ona ia fautuaina nei fualaau ma o le a iai foi ni lapataiga fou ma faatonuga o le a tusia i faamatalaga o lea oloa.
Ua lipotia o loo talia lelei e le minisita lagolago o le soifua maloloina lea faaiuga aemaise foi le peresetene o le Royal Australian college of GPs.
