E 830 isi tausi soifua faaopooopo o le a iai, ma o se faaopoopoga o le a fesoasoani ai i le toagaogao o le aufaigaluega.
Na ta’ua i se saunoaga mai le minisita o le soifua maloloina, Dr Ayesha Verrall i le faaiuga o le vaiaso o le a faaopoopo le 130 avanoa mo fanau aoga e aooga faatausi soifua e amata mai le masina lenei agai atu ia Aokuso, poo i latou nei o loo i le lisi faatalitali ma o lea sa faapea e faatoa amata aooga mai le 2024.
E ese mai i le kuata lenei, o le isi kuata o le a faaopoopo le isi 700 ma o loo su’e mai e providers mai soo se vaega o Niu Sila faatasi ai ma le galulue ma le matagaluega.
O avanoa faaopoopo nei mo aoga e talitonu le minisita o se sitepu tāua mo auaunaga tau i le soifua maloloina a o faaauau ai pea ona faigata auaunaga faatausi soifua ona o le toaitiiti o tagata galulue pe a faatusa i le pisi ma le tele o le manaomia.
