Ua faalauiloa mai i se pepa o faamatalaga mai le Faletupe Tutotonu o Samoa le tapunia tumau ai o le Kamupani Inisiua o le South Seas Financial Services ma ua agai foi le Faletupe Tutotonu e toe faafoi tupe sa totogi atu e lea kamupani i le Faletupe Tutotonu e tusa ai ma le fuaiupu 23(2) o Tulafono o Inisiua.
E lē gata i lea ae ua valaau atu foi le Faletupe Tutotonu ia i latou uma sa totogi atu a latou seleni mo inisiua i lea kamupani mai ia Aperila o le 2020 ina ia oo atu iai e toe faafoi mai a latou seleni na totogi atu.
Ua tuuina atu foi ma le piliota e faatino ai lea faiga a leai o le a toe faafoi atu uma seleni i le kamupani inisiua ua tapunia.
Ua faamanatu mai ai foi ma le Faletupe Tutotonu i nisi o auaunaga faapea i le atunuu o se solitulafono ma e iai faasalaga o le taumafai lea e maua tupe i auala faasolitulafono mai le Faletupe Tutotonu.
