Ua folafola mai e le minisita o tiute Meka Whaititi ua ia agai ese ma le pati a le Leipa ma o le a momo’e o se sui o le Te Pati Maori, o se gaioiga ua faailoa e le Pati a le Leipa e lei faamalamalamaina atu ia i latou.
Ua lipotia i le RNZ ua faamaonia atu le mataupu lea e Whaitiri i le asō i se faatasiga sa faia i Waipatu Marae i Hastings, e faailoa ai o le faaiuga ua faia e kolosi ai le foloa e lei faigofie ae o le faaiuga sa’o e ao ona faia.
Faailoa e Whaitiri i lea lava lipoti sa ia logoina le Fofoga Fetalai o le maota o ia ua faamavae mai le Leipa ma o le a auai atu i le Pati Maori.
I se pepa foi la o faamatalaga ua ta’ua ai le faamaonia ane e le Sui palemia o iai nei Carmel Sepuloni o le a aveesea mai tiute faaminisita mai ia Whaitiri ma ua faia foi iai le faaiuga a le Palemia.
Ua faailoa foi e Sepuloni e faate’ia i latou i le mataupu lea ma o le a faailoa mai le fetuunaiga o portfolios sa ia Whaitiri i le vaiaso fou ae o Kieran McAnulty o le a suitulaga mo le taimi nei i le tulaga sa umia e le tamaitai ua faamavae.
E lei tele ni faamatalaga na faailoa e Whaitiri i lana saunoaga i le asō i le mafuaaga ua ia tuua ai le Leipa ae pau le faamatalaga na agiga ona o lana tautinoga i le vaega faaupufai a Maoli.
