Ua faamavae le faiaoga mai Niu Sila nei o Vern Cotter mai le aulakapi iuni a Fiti ona o loo lipotia e mafua mai i ni mafuaaga e patino ia te ia lava.
Ua faailoa lana faamavaega ae toe fitu masina faataunuu le Ipu o le lalolagi i le taaloga e faia i Farani o lona uiga la o le a faavavave nei le toe sailia o se isi faiaoga mo FIti.
O Vern ua atoa iai le toafa o faiaoga faavaomalo ua agai ese mai ma o latou tofiga faafaiaoga i ni nai masina ua tuanai atu, e aofia ai Wayne Pivac mai Wales, Eddie Jones mai Enelagi, Dave Rennie mai Ausetalia.
Ua tolu ai tausaga talu ona faiaoga Vern i Fiti ma ua ia faaleo lana faafetai i le ‘au aemaise o faiaoga sa o latou galulue faatasi ma e faanoanoa o le a agai ese ma le ‘au i le taimi nei ma ia faamanuia foi i tapenaga a le ‘au mo le Ipu o le lalolagi.
O le taimi nei la ua galulue le Fiji Rugby Union i le sailia o se isi o le a suitulaga ma avea ma faiaoga o le aulakapi iuni e Fiti, le Flying Fijians.
