O le sui filifilia o le Palemene mo Sagaga No.4 le afioga ia Tuisā Tasi Patea lea ua faamaonia lona faamavae ai mai le palemene ma tulai mai ai se faaiuga i se faiga palota laititi mo lea itumalo.
O lenei faaiuga na fai e le sui faipule o le vaega faaupufai e Puipuia Aia Tatau o tagata mulimuli mai ai le toe ave i tua o le tagi o le faigapalota na faia faasaga ia Tuisā e Tagaloatele Papalii Poloa i le Aso Lua o le aso foi lea o le faamaisnoga.
E oo foi ia Tuisā ua toe ave nei i tua lana tagi o le faigapalota na faia faasaga ia Tagaloatele.
Taua e Tagaloatele o se faaiuga na autasi uma ai vaega e lua ina ia faamavae Tuisā ma o se maliega ina ia fai se faigapalota laititi mo lea itumalo pe afai e faamavae lava o ia mai le tofi.
O Tuisā o se alii loia foi ma e 6 ni molaiga o faatosina o le faigapalota na ia faia faasaga ia Tagaloatele lea ua toe ave nei i tua. O ia e to’a fa iai ni loia ua faia ai e sui le manumalo ni tuuaiga o le faigapalota.
O soo se loia e faamaonia ai nei tuuaiga o le a iai le aafiaga o le ono faaleaogaina o a latou laisene e avea ai ma loia.
O le afioga i le faamasino sili Satiu Simativa Perese ma le afioga ia Vui Clarence Nelson lea na nafa ma lea mataupu ma ua faatonuina ai loia o itu e lua e tuu atu mafuaaga o le ave ai tua o tagi a nei sui.
