Faimalomatumua Mathew Lemisio
Faimalomatumua Mathew Lemisio

Faamavae le Komesina o Faigapalota

Ua ripotia mai nei le tuu atu ai o le tusi faamavae a le Komesina o Faigapalota le afioga ia Faimalomatumua Mathew Lemisio i le asō.

Faaalia e le Nusipepea a le Newsline Samoa ua sauna Faimalo e tauave se tofiga fou ua filifilia ai o le Sui Persetene lea o le Faamasinoga o Fanua ma Suafa. Ina ua fesiligia e tusitala Faimalo i lea mataupu peitai e le’i fia saunoa tele i le mataupu ae na ia faamaonia le tuuina atu lana tusi faamavae  i le afioga i le Minisita ia Faualo Harry Schuster ina ua maea le latou fonotaga i le itula e 1 i le aoauli nei. 

O le faamasinoga o Fanua ma Suafa o loo faauluulu iai le afioga i le Peresetene ia Fepuleai Letufuga Atilla Ropati. O le afioga ia Faimalo o se alii loia ma o se alii tusitala foi ae le’i avea ma galue i totonu o le Ofisa o le Komisi o Faigaplaota i le tausaga e 2013 o se Sui Komesina faaletualfono poo le Assistant Commissioner Legal. 

Sa galue foi i le Pulega o Malosiaga Tau Eletise ae le gat ai lea a avea ma alii loia o le Ofisa o le Loia Sili a le malo. 

O le tausaga e 2016 na avea ai ma Komesina o Faigapalota  ma ua lua nofoaiga o ia tulai mai i le tofi. E lua faigaplaota tetele a le atunuu na taitaia e Faimalomatumua o le tausaga e 2016 ma le tausaga nei. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required