O le fono muamua a tausi soifua o le Pasefika o loo galulue i le auaunaga o togafitiga o taotoga o gasegase, poo i latou e galulue i totonu o nofoaga e faia ai taotoga o gasegase, ua faamautu le usuia mai i Samoa i le masina fou o Novema.

O se fonotaga ua faaalia e le matagaluega o le soifua maloloina i auala o ana faasalalauga, e tāua tele e unaia ai le tomai ma le silafia o tausi soifua o loo feagai ma lea galuega.

Na faaalia e se tasi o tausi soifua sinia le susuga Momoti Ulisese Tapuvae i faalauiloa o lea fono faavaomalo, ua leva o tapena mai le faamoemoe, e pei ona tauaveina e se tausi soifua o Samoa o loo faauluulu iai le vaega o togafitiga o taotoga o gasegase le tofi peresetene o le Pasefika.

O tausi soifua sinia o le soifua maloloina o loo feagai ma tapenaga o le fono, faapea le peresetene o le faalapotopotoga o tausi soifua a le Pasefika o loo galulue i le faia o togafitiga tau taotoga le susuga Patea, ma le susuga Momoti Ulisese Tapuvae.