Ua faaopoopo nei i maliega i le va o le Malo tele o Amerika ma le Malo Tutoatasi o Samoa, se isi sanitaria e saga faamautu ai pea le fesoasoani mai o lea malo malosi i le puipuia o ogasami faatulafonoina o Samoa.
O se maliega na sainia e le sui o lea Malo i Apia le tamaitai o Noriko Horiuchi ma le Minisita o leoleo le afioga Faualo Harry Jeffrey Schuster, ma ua avanoa ai ona fesoasoani vaaleoleo o le sami o Amerika le US Coastguard latou te leoina o tatou ogasami mai gaioiga faasolitulafono e pei o le fagotaina e vaa fagota e lē o iai ni laisene latou te afea o tatou ogasami faatulafonoina mo ni faigafaiva.
O isi gaioiga solitulafono o le a mafai ona fesoasoani mai ai vaaleoleo o le sami o lea malo, o le feaveaiina faasolitulafono o fualaau faasāina.
Ua mae’a ona sainia e nisi o malo o le Pasefika lea maliega e fesoasoani ai lava vaaleoleo o Amerika i le puipuia o ogasami o atunuu e pei o Federated States of Micronesia, Papua Niu Kini, ma Palau.
