A o lapata’ia ai pea lo tatou atunuu i le faaeteete i le soona faia o ni afi e ono tutupu ai ni mū o le togavao ma le laufanua ona o mūgāla ua iai nei Samoa, o se auaunaga tāua a le Pulega o le Tineimū ma Galuega lavea’i i taimi o faalavelave faafuase’i ua tatala ai se tasi o nofoaga e faamautu iai lea tautua ua iai nei i Faleolo.

O lea vaega o le auaunaga fuimū ma galuega lavea’i o le a mafai ona tali i ni mū ma ni faalavelave faafuase’i e tutupu mai i nuu ma afioaga o le itumalo o A’ana, faapea nuu i le agai atu i le itumalo o Aiga i le Tai, faapea i Falelatai ma Samatau.

Advertisement

O le tatalaina o lea nofoaga fou ua iai ma se taavale ambulance e tali i ni vala’au mo se fesoasoani e manaomia ai lea auaunaga, ma e silia i le miliona tālā le tau na faatupe ai lea nofoaga o le fuimu ma galuega lavea’i sa tatala aloaia e le ta’ita’i o le malo i le faaiuga o le vaiaso ua mavae.