Ua faamanuaiina talosaga a le mamalu o le atunuu o alala i le motu o Apolima o le a faatupe ai i fesoasoani a le Malo o Iapani le fausia o se maota e avea ma nofoaga e faamautu ai aiga o le nuu pe a oo i taimi o mala faalenatua e pei o afā fulifao.
O lea maota o le a iai se potu taalaelae tele, ma ni potu se lua faapea ma faleui. O le tau atoa o lea galuega e $462,000 tala Samoa.
O le afioaga o Salua i Manono o le foai tupe e $515,000 o le a toe fausia ai lo latou faleaoga tulagalua. O se galuega o le a fausia ai potu aoga e 6, o le potu mo faiaoga ma le aufaigaluega, faapea ma nofoaga e agai iai faiaoga ma fanau poo fale le ta’ua.
O le polokalame fesoasoani a le Malo o Iapani, ua sulufai iai nuu ma afioaga faapea nisi o faalapotopotoga ua mafai ai ona faatupe nisi o manaoga e fitoitonu i le faaleleia o le soifuaga o aso uma, aemaise o le siitia o nofoaga mo le aoaoina o fanau lalovaoa a Samoa.
