Faamatala e se tamā le maliu o lona atalii i Otahuhu

Ua faamatala e le tuaa o si alii o Alec Junior Moala le mafuaaga na maliu ai si ona atalii I le aso Sa ma ia taua ai na agai atu Alec e fesoasoani ise tamaitai sa osofai e se tasi mae o lona talitonuga o si ona atalii sa iai I le nofoaga sese ile taimi sese foi ma aafia ai ile faalavelave.

Fai mai Naeata Moala e pei ona faailoa I lipoti a le herald ile vaiaso nei sa agai lona atalii I se fale I Otahuhu e fesoasoani I se tamaitai sa manaomia se fesoasoani ae e iai foi nisi faamatalaga ese o loo feaveai solo.

O le ua maliu 31 tausaga ua faaipoipo ma e toatolu si ana fanau. Na lipotia atu muamua e talafou le mataupu lea na maua ai le tinomaliu o se alii I luma o se fale I Otahuhu ma o loo faia iai suesuega.

O le molimau a se tasi o tuaoi o le fale I tala ane o le nofoaga na tupu ai le faalavelave e faapea na faalogoina se tamaitai o tagi I le taeao po o le aso Sa ae talitonuina o nisi tagata sa iai I le fale sa faia se inugaava O loo iai masaloga o nisi o le faalavelave lenei e aofia ai se kegi ae le o iai se faamaoniga o ia faamatalaga.

O loo faagasolo pea le suesuega a leoleo ma ua faailoa e le alii suesue o Warrick Adkin a iai se tasi e silafia se faamatalaga ile mataupu lea e ao ona faafesootai vave leoleo poo le Crimestoppers

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required