Search
Oscar Malielegaoi
Oscar Malielegaoi

Faamatala e Leasiosiofaasisina le tusi a le tamaitai Minisita o Tupe

I le lata nei i le vaiaso talu ona tuua e le susuga ia Leasiosiofaasisina Oscar Malielegaoi le tulaga Ofisa Sili o Pulega o le Matagaluega o Tupe a le Mālō. O le Aso Gafua o le vaiaso nei na faatalanoa ai e le Failautusi o le vaega faaupufai o le HRPP Lealailepule Rimoni Aiafi le susuga Leasiosiofaasisina i se polokalame a lea vaega faaupufai.

I lea polokalame na faamatala ai e Leasiosiofaasisina le tusi a le Minisita o Tupe na faamalosia ai lana faamavaega ae o lana konekarate 3 tausaga e maea i le faaiuga o Tesema o le tausaga nei.

Taua e Leasiosiofaasisina “O le option muamua o le toe fetuunai lea o le konekarate (contract variation) ina ia muta i le Aso Faraile a lea, o le variation lea o le konekarate e uma vaiaso mulimuli o Tesema ina ia tuu mai luma. O le option lona lua, o le resign. A faafofoga mai foi le atunuu both options o le taunuuga o le faamavae ma faamuta le faigaluega.”

O Lea foi talanoaga na fesiligia ai e Lealailepule lē sa avea ma Ofisa Sili o le Matagaluega o Tupe poo Fea o iai sona finagalo i auala o le tulafono ma le faaiuga a le tamaitai Minisita o Tupe Mulipola Anarosa Ale Molioo.

Faaalia e Leasiosiofaasisina “O le mea sa oo mai ia te a’u sa o’u mafaufau poo a circumstances ma vaega o le a tutupu mai i lenei faaiuga o le a faatino . Sa o’u vaavaai uma a i vaega e lua o le faatino poo le lē faatino , a’o nei mea uma a o’u alu e faatino ala faaletulafono tele o tupe alu , tele resources a le Mālō , aua a hire Loia o ai e totogi a?

Totogi e le Mālō ae i totonu o le galuega sa matou faatino ma le Pulega o le mea lea ave ai le faamuamua ia faasaoina seleni a le Mālō.

Taua foi e Leasiosiofaasisina “ I la’u vaai ua avea le masalosaloga poo le trust lea ma mea o le a faatope loa le faatino o le latou faaiuga, ua iai masalosaloga o lea oute alu ma liki ni information i tua pe faapea e le’o faatinoa atoa le auaunaga”.

O le fautuaga a le Minisita o Tupe e mafua mai ini atugaluga a le Minisita i le sootaga o lē sa avea ma Ofisa Sili, o lana fautua sili i le tapenaina o le tala autu muamua o le tupe a le faigamalo fou a le vaega faaupufai o le FAST ma lona tuaā tamā le susuga ia Tuilaepa Lupesoliai Sailele Malielegaoi o le taitai o le HRPP.

O le tausaga 2019 na tofia ai Leasiosiofaasisina e avea ma faauluuluga o le Matagaluega o Tupe i le tuanai o le tausaga sa galue ai i le faletupe o Atinae o Asia o se tasi o faletupe o loo faatupeina nisi o atinae tetele mo le unaia o le faaleleia ma le siitia o le atinae o le tamaoaiga o Samoa.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required