O le sui filifilia a le vaega faaupufai e Puipuia aiā tatau o tagata le afioga ia Fiugalu Eteuati Eteuati mo le itumalo Aleipata-Itupa-i-Lalo lea ua faamaonia nei ona moliaga o faatosina o le faigapalota ma ua faaleaogaina ai lona tulai mai le tofi.
O lenei iuga na tuuina mai e afioga i faamasino ia Niava Mata Tuatagaloa ma le afioga ia Tafaoimalo Leilani Tuala Warren.
E 13 moliaga o le totogi atu o tupe (bribery) ma le molaiga o le faaogaina (treating) lea na molia ai lea sui filifilia ma o le a toe foi lenei Itumalo e fai faiga palota laititi.
E 5 moliaga na molia ai e Fiugalu lē na faia moliaga faasaga ia te ia o se sui foi o le HRPP le afioga ia Tafua Maluelue Tafua ma o nei molaiga na faaleaogaina e le faamasinoga.
