O le a mafai nei e faletalavai i Niu Sila ona faia tuipuipui o pepe ma tamaiti o Aoga Amata mai le amataga o le masina fou.
O lea faamaoniga sa ave iai e le vaega e gafa ma vailaau faafomai, Pharmac, ina ua mae’a ona tapaina e le Matagaluega o le Soifua Maloloina se suiga e faia, i se taumafaiga e siitia ai le faatulagana lē lelei o iai o tuipuipui e faia.
O le aufaigaluega i faletalavai, o le a muamua faia a latou aoaoga, ona mafai ai lea ona latou faia tuipuipui o pepe mai le ono vaiaso le matutua, mo tuipuipui uma mo tamaiti e leai ni totogi.
Faaalia e le Matagaluega o le Soifua Maloloina, o lea gaioiga o se taumafaiga e foia le palasi i lalo o le faatulagana o tuipuipui o tamaiti e faia, se palasi pito sili atu ona maualalo ua iai i le faitau tausaga, i le 83 pasene ma le 70 pasene mo tamaiti Maoli.
