O se tasi o faaiuga a le faamasinoga maualuga i le masina faaiu o lenei tausaga, o se faasalaga faafalepuipui e lima tausaga mo se alii na ioe i le moliaga matuia o le fasioti tagata pa’ivalea, na fano ai le soifua o se alii 26 tausaga le matua ona o ni manu’a tuga i le fatafata o lē ua maliu mai se tamai naifi.
O Ianuari o le tausaga e 2021 na tulai mai ai lenei solitulafono na amata i se inuga o fagu malolosi o le Rova.
O lē na molia ma ua nofosala nei i le toese o Solomua poo Aiufi Paisu o le nuu o Lona i Fagaloa.
O se inuga na agai ai lē ua faasalaina e saili le tagata ua alu ma le ‘afa fagu malosi, ae tau atu ai i se potopotoga o taulelea o lo latou nuu o loo inu ma eva i le aualatele.
Na afe iai lē ua molia ma tulai mai ai se la feupuaiga ma lē ua maliu, lea na ia faaaogā ai se agaese laititi sa i le taga o lona ofuvae e faaoo ai ni manu’a tuga i lē ua maliu.
Sa tetee Solomona poo Aiufi i le moliaga peitai na suia i lona ioeina o le solitulafono e pei ona amata tuli ai nei lona faasalaga faafalepuipui.
