Ua faamaonia lava e le NZ Post ana fuafuaga e vāea le faitau selau o lana aufaigaluega i le agai atu i le lumanai ina ua faaauau pea ona faaitiitia le aofai o meli e lafo a tagata.
Fai mai le lipoti lata mai o le mataupu lenei o loo fuafua le kamupani ina ia faaaofia atu le kilivaina o meli i le vaega o afifi ia tasi ai fesootaiga.
O le masina o Iuni o le tausaga talu ai na muai faailoa ai e le NZ Post o le a fai ni a latou faatalanoaga i le mataupu aemaise o le aofai o avanoa faigaluega o le a faamatuu lea ua ta’ua i le asō e oo atu i le 750 avanoa faigaluega o le a aveesea i totonu o le lima tausaga.
O le aofai o le aufaigaluega a le NZ Post pe ā ma le 4500.
Ua ta’ua ua mae’a ona faatalanoa ma tagata faigaluega aemaise iuni ma fesootai foi ma paaga e kilivaina meli talu mai Oketopa o le 2023.
