Ua iu ina maliu si tagata faigaluega lea sa poloka i le faitau selau o mita i lalo o le mine lea na solo se vaega o le palapala i le afiafi ananafi.
O le lipoti aupito lata mai lea mai leoleo ma faamaonia mai ai e 37 tausaga o sia tagata faigaluega mai Bruthen na maua lona tino maliu i le taeao analeila.
Pe ā ma le 28 tagata faigaluega na faasaoina mai i le aso ananafi ina ua solo se vaega o le gold mine i Mt Clear lata i Ballarat poo le lata i le 5 i le afiafi ananafi.
E talitonuina o maa tetele na solo ane na tanumia ai alii faigaluega e toalua, e aofia ai le isi e 21 tausaga mai Ballarat lea na ave ane i le vaalele i le aso ananafi ona o le tuga o manu’aga.
Na taumafai mai lava galuega laveai mo le isi lea peitai na lipotia i le taeao ua uma lona soifua.
Ua faaoo atu e leoleo le tala faanoanoa i si ona aiga ae o i latou na mafai ona faasaoina e aofia ai ma tamaitai.
E lē o mailoa pe na mafua i se ā le solo o le eleele.
