O le vaiaso nei ua aofia ai foi nisi mai le Pasefika ia i latou ua faamanuiaina i faailoga taualoa, Order of Merit.
O i latou ua faamanuiaina e aofia ai i latou mai vaega eseese o auaunaga mai social work agai i auaunaga tau faafiafiaga, entertainment.
O le tamaitai faasalalau, tusitala ma le faatonu foi o polokalame i le televise, Lisa Taouma na ia mauaina le insignia member of the NZ order of merit i se sauniga na faia i Aukilani.
Faaalia e Taouma i le RNZ o lea faailoga e atagia ai le sao o le toatele o tagata ma ua lagona le faagaeetia ina ua faatuina o ia e lona komiuniti mo lea faamanuiaga.
O le isi sui mai le Pasefika, o Maa Sagala o se tasi foi o sui faasalalau mai le Pacific Media Network ma ua ia faailoa ua iloa ai ii aafiaga o loo faia e tagata Pasefika i totonu o Niu Sila.
E toatele isi tamalii o le Pasefika sa faamanuaina foi i nei faailoga i tausaga ua tuanai.
