O loo faaauau le faamanatuina o le vaiaso o le gagana Maori i le atunuu ma o le asō ua faailoa ai i tusitusiga i le RNZ ua atoa le 52 tausaga talu ona faato’ā ulua’i aga’i atu Hana Te Hemara ma nisi sa o latou galulue faatasi mai le Nga Tamatoa, Te Reo Maori Society ma le student group, Te Huinga Tauira ma savalia le Maota o le Palemene ma tuuina ai se atopa’u o loo iai i totonu le petition ua sainia e le 30 afe o tagata, le petition lea sa faaigoa o le Petihana Reo Mauri poo le Maori Language Petition.
Fai mai o le faamoemoe o lea petition ina ia ofoina a’oa’oga i totonu le gagana Maoli i totonu o a’oga a Niu Sila i a’oga o loo to’atele ai fanau Maoli.
O le aso 14 o Setema o le tausaga lea na faaigoa loa o le Maori Language Day ma amata faamanatu mai ai loa le Maori Language Week lea o loo faaauau foi i lenei vaiaso.
Puna o Faamatalaga: https://www.rnz.co.nz/news/national/528176/a-forever-language-te-wiki-o-te-reo-maori-marks-52-years-of-extraordinary-progress
