E lua lelei ofisa fomai medical clinic i Melepone ua faamalosia le tapunia ina ua maua nisi o otaota o faugafale ua lafoai i o latou aualataavale poo driveways o loo maua ai ma le asbestos.

Fai mai e silia ma le 60 gasegase na toe agai ese mai ma le nofoaga i le aso ananafi ina ua taunuu atu fomai i lo latou ofisa ua tanumia mai le driveway i ia otaota.

O loo ta’ua i lipoti a le 9 news o ata mai meapueata a le cctv o loo iloa ai ni alii se toatolu na o ane i se ute i le afiafi o le aso toonai ma lafoai ai otaota ia i le nofoaga lea poo le ta o le 5 i le afiafi.

Manatu ai fomai e lē tatau ona vaaia gasegase ona e lē saogalemu le nofoaga mai le otaota.

Na matuai inosia e fomai faapitoa ma isi foi fomai ia uiga matagā ma e silia ma le $2500 vaegatupe na totogi e pulega o ia ofisa fomai e faamamā ese ai le otaota a o faia suesuega a leoleo i le sailiga poo ai na faatinoina lea galuega lë alofa.