Ua faamalolo le kamupani na gaosia meaai a fanau aoga lea na sau tala i le Aso Lulu e mata le moa.
O le faaiuga lea ua faia faasaga i le Bells Produce Ltd lea foi na ta’ua i tala fou ananafi i le taeao, ma o lea ua faamalolo a o faia suesuega a le matagaluega o le Primary Industries.
Ua faamaonia mai e le matagaluega o aoga e le gata ua taofia mai le gasesega o meaai a fanau aoga a le kolisi o Kaitaia lea na faasuati i le lē vela o moa ma auina atu ai nisi i le falemai, ae ua taofia mai foi i isi aoga e lua e tolu iai aoga o loo ia sapalaiina meaai mo fanau aoga.
O ananafi lea na amata suia ai i se tasi o kamupani fou latou te faaauauina lenei galuega a o faamalolo ai le kamupani mo suesuega.
E le na o le matagaluega o aoga ma le Primary Industries o loo iai i totonu o lenei mataupu, o lea foi ua lotea e le Far North District Council faapea le Food Safety.
