O le masina nei o le a tapunia ai se tasi o auaunaga o loo fesoasoani e fafaga fanau oloo  moomia meaai i aoga.

E fitu ma le ‘afa tausaga o auauna mai le Eat My Lunch, poo le polokalame e faatau ai le meaai ae maua fua le isi mo fanau o loo moomia le fesoasoani.

Petai o le tala faanoanoa o le aso 16 o le masina nei o le a faamae’a ai loa ma e le o faigofie i le pulega, e le gata o le fia fesoasoani i fanau ae o lana aufaigaluega foi.

Talu mai ona amata i le 2015 ua silia ma le 1.8 miliona fanau ua fafaga e lea polokalame i Aukilani ma Ueligitone, ae mulimuli ai nei faia le polokalame lava lea a le malo e sapalai fua ai meaai mo fanau aoga uma i aoga tulagalua.

O lea sa iai le faamoemoega o le Eat My Lunch o le tausaga lenei o le a toe foi ai tagata faigaluega e galulue i ofisa ma avea ma avanoa e toe faatulai mai ai le pisinisi mai aafiaga o le Koviti, peitai e leai.