E tuufaatasia tala fou o loo faasolo suesuega a leoleo i laau malosi faapāpā sa lipotia mai Manukau anapo.
O le tolu ai lea o lipoti e faatatau i laau malosi faapāpā i Aukilani i Saute i totonu o le 48 itula.
O le tea o le itula e 6 i le afiafi ananafi na lipotia mai ai i Jack Conway Ave ma o lea foi ua auina atu i le falemai le tagata na faamanu’alia ai.
Ese mai anapo o le po o le Aso Toonai na faalogoina ai foi laau malosi faapapa i Otara ma i lipotia e faapea o lea sa tafana agai se tasi o fale, ma e faafetaia e leai se isi na faamanu’alia ai.
A o lei oo mai i le Aso Toonai, o le po foi o le Aso Faraile e latalata i le itula e 8 lea foi na lipotia mai le mea lava e tasi i Otara lava ma e leai se isi na faamanu’alia.
O loo suesue e leoleo pe fesootai mataupu uma nei, ma ua talosaga mai ai foi i soo e tasi e silafia nisi faamatalaga e fesootai atu.
