Pe ā ma le 25 afe o tupe a le a le au ratepayers i Kalaiesetete e manaomia e toe faaleleia ai le faatagata o le alii kapeteni mai Peretania o Captain Cook lea ua faaleagaina i Victoria Square.
Na lipotia e le Herald i le asō e foliga o se mafuaaga e iai ni sootaga i le faapolokiki ua mafua ai le osofaiga o lea faatagata poo le statue ma tusitusiga ua faia ai.
Ua faaopoopo la sekulati i le nofoaga lea e pei ona faailoa e le Council ma ua feagai foi leoleo ma le suesuega poo ai tonu na faatinoina lea gaioiga.
O le 1932 na muai faatuina ma faalauiloa ai lea faatagata i Victoria Square e faamanatu ai faigamalaga James Cook i Niu Sila i le 1769 ma le 1779.
E lē o le taimi muamua lenei ua osofaia ai lea faatagata ae manatu nisi o le talaaga foi o le oo mai o Cook i Niu Sila e tau masalomia e afua ai ona faatino e tagata le faaleagaina aemaise ona o loo ta’ua i talaaga sa iai le taitai o Maoli na maliu ina ua fana e se tasi o le aumalaga a Captain Cook.
