O le malaga atu ai o le Minisita o Faatoaga ma Faigafaiva i le atunuu o Saina faatasi ai ma nisi o ofisa sinia o lea matagaluega ma le taitaifono ma le faauluuluga o le nofoaga o suesuega faasaienisi le SROS, ua faailoa ai i se pepa o faamatalaga mai le atinae o faatoaga i Samoa o loo fesoasoani iai Saina, le faalauiloa o nisi o oloa gaosi mai lo tatou atunuu i se faaaliga na faia i le aai o Hunan, sa molimauina e le toatele o tagata faipisinisi a lea atunuu.

O ia oloa e aofia ai le uisiki e gaosi mai le talo a Samoa, o le aano o le i’a o le tuna poo le atu, apakoa ma le asiasi.

O le vaiauli manino ma mamā mai Samoa, ma le sua o le nonu.

O le iai o le minisita le susuga Laaulialemalietoa Leuatea Polataivao Fosi Schmidt ma lana aumalaga i Saina, ua faamautu ai nisi o fuafuaga o le faaleleia o le atinae o faatoaga ma faigafaiva mo lo tatou atunuu.