Covid-19 Vaccine

Faalauiloa i le aso le faataatiaga o le a faia ai tui mo le atunuu atoa

O le aso o le a faalauiloa faalauaitele mai ai le faataatiaga o fuafuaga o le faasooina o tui o le Koviti mo le atunuu atoa

O lea ua mautinoa o le tui a le Pfizer-BioNTech lea o le a sau ai tui e faasoo ai le tusa ma le 5 miliona tagata Kiwi, ma o lea ua oo talanoaga pe a faafefea ona faasoo nei tui I totonu o le 6 masina mulimuli o le 2021

Saunoa ai Hipkins, o le uluai taimi lenei o le a faasoo ai le atunuu atoa I se tuiga faapenei, ma o lea ua vaavaai le malo i le aumaiga, lava aisa malulu e teu malu ai, itu tau tekonolosi, vaega a le Human Resources mo faamaumauga, aemaise o le lava o tagata galulue ma nofoaga e faia ai

I le fesiligia o le aafiaga o avanoa faigaluega ma le ono faamalosia e pulega o fale faigaluega o o latou tagata galulue e tatau ona faia o latou tui, ua faamanino e le minisita, e le o faamalosia le faia o tui o le Koviti, ae e tele le mafai e moomia ai le tatau ona faia o tui o tagata galulue I nofoaga e maualuga le lamatia I le vairusi, faapei o nofoaga o loo nonofo ai tagata matutua

Ae I tui o tagata galulue I tuaoi ma o latou aiga, poo I latou ua ave iai le faamuamua o le uluai oka ua taunuu, o lea o loo faagasolo pea I le taimi nei

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required